सोलापूर |
एनटीपीसी सोलापूर येथे 15 ऑगस्ट 2024 रोजी सकाळी 78 वा स्वातंत्र्य दिवस डॉ. ए पी जे अब्दुल कलाम स्टेडियमवर श्री तपनकुमार बंदोपाध्याय, CGM (सोलापूर), यांच्या हस्ते राष्ट्रध्वज फडकावून मोठ्या उत्साही आणि भव्य समारंभाने साजरा करण्यात आला.
सीआयएसएफचे कमांडंट, सीआयएसएफ जवान, सीआयएसएफ फायर विंग, डीजीआर आणि नोट्रे डेम अकादमीच्या विद्यार्थ्यांचा समावेश असलेल्या प्रभावशाली परेडची पाहणी करून, श्री बंदोपाध्याय यांनी उत्सवाची सुरुवात केली. शिस्तबद्ध परेड हे या सोहळ्याचे मुख्य आकर्षण होते, ज्यात सहभागींनी शिस्त आणि समर्पण दाखवून स्टेडियमवर कूच केले आणि प्रमुख पाहिन्यांनी मानवंदना घेतली.
आपल्या भाषणात श्री बंदोपाध्याय यांनी भारताच्या स्वातंत्र्यासाठी प्राणांची आहुती देणाऱ्या स्वातंत्र्यसैनिकांना आदरांजली वाहिली. त्यांनी एनटीपीसी कर्मचाऱ्यांचे राष्ट्र उभारणीत सतत योगदान दिल्याबद्दल त्यांचे अभिनंदन केले आणि त्यांना त्यांच्या कठोर परिश्रम आणि समर्पणात सातत्य ठेवण्याचे आवाहन केले.
श्री बिपुल कुमार मुखोपाध्याय, जीएम (ओ अँड एम), श्री सूर्य नारायण मूर्ती वडापल्ली, जीएम (प्रोजेक्ट), श्री नवीन कुमार अरोरा, जीएम (देखभाल), श्री परिमल कुमार मिश्रा, जीएम (ऑपरेशन) यांच्या उपस्थितीत हा कार्यक्रम पार पडला. तसेच यावेळी श्रीमती नुपूर बंदोपाध्याय, अध्यक्षा, सृजन महिला मंडळ, लेडीज क्लबचे सदस्य, सीआयएसएफ युनिट, नोट्रे डेम अकादमीचे प्राचार्य, सर्व विभाग प्रमुख , कर्मचारी, कर्मचारी कुटुंबातील सदस्य , युनियन आणि असोसिएशनचे प्रतिनिधी आणि टाउनशिपमधील रहिवासी यावेळी मोठ्या संख्येने उपस्थित होते.
यावर्षीच्या “हर घर तिरंगा” मोहिमेअंतर्गत , एनटीपीसी सोलापूरच्या सर्व कर्मचाऱ्यांना तिरंगा ध्वज वाटण्यात आले. या मोहिमेने प्रत्येकाला देशासाठी प्राण अर्पण करणाऱ्या ‘वीरांना’ आदरांजली वाहण्यास प्रोत्साहित केले.
या कार्यक्रमात ट्विंकल बेल स्कूल, बाल भवन आणि नॉट्रे डेम शाळेतील विद्यार्थ्यांनी उत्कृष्ठ सांस्कृतिक कार्यक्रम सादर केले, ज्यांनी देशभक्तीच्या भावनेने आपली प्रतिभा प्रदर्शित केली. सीआयएसएफ जवानांनी कमांडो आणि अग्निसुरक्षा थरारक प्रात्यक्षिक सादर केले .
कार्यक्रमाची सांगता भारताच्या राष्ट्रीय गीताद्वारे स्वातंत्र्य आणि बंधुत्वाचा प्रतिध्वनी देणारा संदेश देऊन श्रोत्यांना प्रेरणा आणि अभिमानाने करण्यात आले.
