महिलांना बांधण्यात आले फेटे ; जिल्हाप्रमुख मनिष काळजे यांनी शिवसैनिकांची जिंकली मने
सोलापूर : प्रतिनिधी
प्रेक्षकांमध्ये प्रचंड उत्सुकता निर्माण करणारा ‘धर्मवीर २’ चित्रपट प्रदर्शित झाला. उमा मंदिर चित्रपटगृह येथे दुपारी १२ वाजता ‘धर्मवीर २’ चित्रपट शिवसेना जिल्हाप्रमुख मनिष काळजे यांनी पूर्णपणे मोफत दाखवला.
शिवसेना जिल्हाप्रमुख मनिष काळजे यांनी धर्मवीर २ हा चित्रपट सगळ्यांसाठी मोफत ठेवून आलेल्या सर्व महिला भगिनींना फेटे बांधले. यावेळी आनंद दिघे यांच्या प्रतिमेस दुग्धाभिषेक करण्यात आला यासह ढोल ताशाचा गजर आणि फटाक्यांची आतिषबाजी देखील मोठ्या प्रमाणात करण्यात आली.
धर्मवीर आनंद दिघे साहेबांबद्दल लहान पणा पासूनच आदर वाटत आला आहे. त्यांचे हिंदुत्वनिष्ठ विचार, परखड बाणा आणि संघर्षमय जीवन शिवसैनिकांसाठी नेहमीच प्रेरणादायी राहिले आहे. त्यांच्या कार्याचं ऋण फेडण्याचा आणि नव्या पिढीला त्यांच्या जीवनाची ओळख करून देण्याचा एक छोटासा प्रयत्न म्हणून हा उपक्रम राबवला जात आहे, असे मनिष काळजे यांनी सांगितले.
शिवसैनिकांसाठी हा एक खास क्षण असून, सर्वांना या चित्रपटाचा आनंद लुटण्याची सुवर्ण संधी शिवसेना जिल्हाप्रमुख मनिष काळजे यांनी उपलब्ध करून दिली.
